Իրանի նախագահ Էբրահիմ Ռաիսին Ռուսաստան պաշտոնական այցի շրջանակում չորեքշաբթի ժամանել է Մոսկվա: Այս մասին հայտնում է ТАСС-ը՝ վկայակոչելով Իրանի կառավարության մամուլի ծառայությանը։
«Ռաիսին, որը Ռուսաստան է մեկնել իր ռուս գործընկերոջ՝ Վլադիմիր Պուտինի պաշտոնական հրավերով՝ զարգացնելու երկու երկրի տնտեսական, քաղաքական և մշակութային համագործակցությունը, մի քանի րոպե առաջ ժամանել է Մոսկվայի օդանավակայան»,- ասվում է հաղորդագրությունում։
Նախատեսված է, որ հունվարի 19-ին Իրանի նախագահը բանակցություններ կվարի նախագահ Պուտինի հետ։ Հունվարի 20-ին էլ Էբրահիմ Ռաիսին ելույթ կունենա Ռուսաստանի Պետական Դումայում և Մոսկվայի Մայր մզկիթում։
