Արգենտինայի խորհրդարանի վերին պալատը հաքերային հարձակման է ենթարկվել։ Այս մասին նշված է երկրի Սենատի՝ Twitter-ի միկրոբլոգում։
«Հունվարի 12-ին՝ ժամը 4։00-ին, Սենատը ենթարկվել է հաքերների հարձակման։ Վերջին ամիսներին ման հարձակումների են ենթարկվել տարբեր հանրային և դատական իշխանության մարմիններ և խոշոր ընկերություններ»,- ասված է գրառման մեջ:
Սենատի մամուլի ծառայությունից նաև հայտնել են, որ հաքերները կարողացել են ստանալ միայն հանրության համար հասանելի տեղեկություններ։ Նշվում է, որ արդեն հաջողվել է վերականգնել կարևոր տեղեկատվության մեծ մասը:
