Ղազախստանում այս պահի դրությամբ ՀՀ քաղաքացիների շրջանում տուժածներ չկան. ՀՀ ԱԳՆ խոսնակ

Ղազախստանում Հայաստանի դեսպանության տվյալներով՝ այս պահի դրությամբ ՀՀ քաղաքացիների շրջանում տուժածներ չկան։ Այս մասին «Լուրերին» հայտնել է ՀՀ ԱԳՆ քարտուղար Վահան Հունանյանը։

Հիշեցնենք, որ հունվարի 2-ից Ղազախստանում մեկնարկած բողոքի սոցիալական ցույցերը երեկ երեկոյան տարածվել էին ողջ Ղազախստանով՝ ստանալով քաղաքական երանգ ու վերաճելով իրավապահների հետ բախումների: Ցուցարարները գրավել են մի շարք վարչական շենքեր, ինչպես նաև Ալմաթիի միջազգային օդանավակայանը:

Տեղի լրատվամիջոցները նաև հայտնել են, որ արտակարգ դրություն է սահմանվել ամբողջ երկրի տարածքում, իսկ Ալմաթիում ցուցարարները գրավել են նաև Ազգային անվտանգության կոմիտեի շենքը: