Բաքվի հորինած հայ դիվերսանտը Հայաստանի զինված ուժերում չի ծառայել

Ադրբեջանական լրատվամիջոցներով «դիվերսանտ» ներկայացված Զավեն Կարապետյանին Կարմիր խաչից դեռ չեն այցելել: Պաշտպանության նախարարի առաջին տեղակալը Կարմիր խաչի հայաստանյան պատվիրակության ղեկավար տիկին Կարոլին Դույեզի հետ հանդիպմանը կոչ է արել ջանքեր գործադրել և կազմակերպել այցելություն Զավեն Կարապետյանին՝ նրա պահպանման պայմաններին ծանոթանալու և տեղեկություն ստանալու նպատակով: