Արմավիրի մարզպետն անընդունելի է համարում Փարաքարում ՏԻՄ ընտրությունների արդյունքում ստեղծված իրավիճակը
Արմավիրի մարզպետ Էդվարդ Հովհաննիսյանն անընդունելի է համարում միավորված Փարաքար համայնքում դեկտեմբերի 5-ին տեղի ունեցած ՏԻՄ ընտրությունների արդյունքում ստեղծված իրավիճակը:
Մարզպետը կողմերին կոչ է արել հանդարտություն պահպանել.
«Քաղաքական ուժերի հարգելի ներկայացուցիչներ, Արմավիրի մարզի սիրելի բնակիչներ, հանդարտության, ողջախոհության և փոխադարձ հարգանքի կոչ եմ անում բոլորիդ՝ խուսափելու համար ավելորդ կրքերի բորբոքումից, ոչ իրավաչափ արարքներից և անցանկալի հետևանքներից: Խնդրում եմ սպասել իրավական գործընթացների ավարտին»:
