Թուրքական ռազմական ավիացիան մեկ օրում 42 անգամ խախտել է Հունաստանի օդային տարածքը: Այդ մասին հայտնել է Հունաստանի ազգային պաշտպանության գլխավոր շտաբը, փոխանցում է Greek City Times-ը:
«Թուրքական 13 ռազմական ինքնաթիռ ընդհանուր առմամբ 42 խախտում է կատարել Հունաստանի օդային տարածքում, մասնավորապես, F-16 կործանիչների հինգ զույգ, որոնցից երկուսը սպառազինություն են ունեցել, CN-235 ռադիոէլեկտրոնային պայքարի երկու ինքնաթիռներ և մեկ անօդաչու թռչող սարք»,- նշել են գլխավոր շտաբում:
Թուրքական կործանիչները որսալու նպատակով գործարկվել են հունական ռազմական օդանավերը, որոնք, միջազգային պրակտիկային համապատասխան, ստիպել են խախտողներին լքել Հունաստանի օդային տարածքը։
