Սիրիայից՝ Կանադայով դեպի Աշտարակ. Հաջողակ հայրենադարձը

Փոփոխությունների քամին մեր օրերի ոսկե երիտասարդին Ամերիկայից, Սիրիայից ու Կանադայից կտրել-բերել է Աշտարակ: Մեկ դար ապրած մի հին, կիսավեր տուն ու հայրենիքում հաջողելու ցանկություն: Հովիկն ուրիշ ոչինչ չի ունեցել:

Մեկ էլ՝ պատմություններ հին օրերից՝ այն մասին, թե ինչպես է շատ վաղուց մի ծեր քահանա այդ տանը գինի քաշել: Գետնի տակ տեղը կար, հիմա Հովիկն այնտեղ «Հին Աշտարակ» գինին է ամբարում: