Աղբանոց բաց երկնքի տակ. Կառավարությունը պատերազմ է հայտարարել փնթիությանը

Փնթիությանը, աջուձախ աղտոտելու սովորությանը վերջ տալու հարցը ամենախիստ ձևակերպումներով կառավարության օրակարգում դրեց վարչապետը: Կարեն Կարապետյանը կաբինետից պահանջեց նույնիսկ քրեական պատիժ սահմանել բոլոր նրանց համար, ովքեր մայրուղիները, գետերի ափերը, հանգստի գոտիները վերածում են աղբանոցի:

Տուրիզմով տնտեսությունն ուժեղացնելու նկրտումներ ունեցող երկրի վարչապետի համար վիճակը ողբերգական է: Դրա վկայություններից մեկը՝ Սևանը խեղդող աղբի օղակը: