Իրանն ու Սաուդյան Արաբիան համաձայնության են եկել երկու երկրներում հյուպատոսարանների աշխատանքը վերսկսելու հարցում։ Այս մասին հայտնել է Agence France Presse-ը՝ վկայակոչելով դիվանագիտական աղբյուրը:
«Կարծում եմ՝ առաջիկա շաբաթների ընթացքում դրան կարող է հետևել հարաբերությունների կարգավորման վերաբերյալ համաձայնագրի ստորագրում»,- մեջբերում է գործակալությունը:
Ավելի վաղ Իրանի ԱԳՆ պաշտոնական ներկայացուցիչ Սայիդ Խաթիբզադեն հայտնել էր, որ Թեհրանի և Էր Ռիադի բանակցությունները հինգ փուլ են անցել. չորսն անցկացվել են Բաղդադում, մեկը՝ Նյու Յորքում՝ ՄԱԿ-ի Գլխավոր ասամբլեայի շրջանակներում: Նրա խոսքով՝ երկխոսության կենտրոնում են երկկողմ և տարածաշրջանային հարցերը, ներառյալ՝ Պարսից ծոցի և Եմենի իրադրությունը:
