Աշխարհի 2022 ընտրական փուլում Հայաստանի հավաքականը Բուխարեստում ուժերը չափեց Ռումինիայի ընտրանու հետ։
Հանդիպման հաշիվը բացեցին ռումինացիները՝ 26-րդ րոպեին: Անկյունայինի խաղարկումից հետո Ալեքսանդրու Միտրիտան գլխի հարվածով գրավեց Յուրչենկոյի դարպասը:
Հանդիպման մնացած ժամանակահատվածում դարպասի գրավում չարձանագրվեց: Հայաստանի հավաքականը պարտվեց նվազագույն հաշվով:
J խմբի առաջատար Գերմանիայի հավաքականը հյուրընկալվելիս 4։0 հաշվով հաղթեց Հյուսիսային Մակեդոնիային, վաստակեց 21 միավոր և ընտրական փուլի ավարտից 2 տուր առաջ ապահովեց եզրափակիչ մրցաշարի ուղեգիր։
Ռումինիայի հավաքականը 13 միավորով բարձրացավ երկրորդ տեղ։ Հյուսիսային Մակեդոնիայի և Հայաստանի ընտրանիները վաստակել են 12 միավոր և համապատասխանաբար մրցաշարային աղյուսակի 3-րդ և 4-րդ հորիզոնականներում են:
