Վրաստանի պաշտպանության նախարար Ջուանշեր Բուրչուլաձեն ընդունել է պաշտոնական այցով Վրաստանում գտնվող՝ Ադրբեջանի պաշտպանության նախարար Զաքիր Հասանովին:
Կողմերը ստորագրել են երկկողմ համագործակցության ծրագիր, ինչպես նաև կարծիքներ են փոխանակել ռազմական համագործակցության տարբեր ուղղությունների վերաբերյալ, տեղեկացնում են վրացական լրատվամիջոցները:
Նշվում է, որ կողմերը գոհունակություն են հայտնել Ադրբեջանի և Վրաստանի միջև հարաբերությունների զարգացման կապակցությամբ, ընդգծել այդ հարաբերությունների խորացման կարևորությունը։
