Գերմանիայում կայացած խորհրդարանական ընտրությունների նախնական արդյունքների համաձայն՝ ձախ կենտրոնամետ Սոցիալ-դեմոկրատական կուսակցությունը (ՍԴԿ) աննշան տարբերությամբ առաջ է անցել Անգելա Մերկելի պահպանողական Քրիստոնեա-դեմոկրատական միությունից (ՔԴՄ), որն իշխանության է 2005 թ.-ից, գրում է BBC-ն:
Ըստ վերջին տեղեկությունների՝ ՍԴԿ-ն ակնկալում է ձայների մոտ 25,7%-ը (206 տեղ Բունդեսթագում), ՔԴՄ-ն՝ 24,1% -ը (196 տեղ): Դա հետպատերազմյան ժամանակահատվածում Քրիստոնեա-դեմոկրատների (ՔԴՄ) և Քրիստոնեա-սոցիալիստների (ՔՍՄ) բլոկի ամենացածր ցուցանիշն է դաշնային ընտրություններում:
«Կանաչները» երրորդ տեղում են՝ 14.8% (118 տեղ), նրանց հաջորդում է Ազատ դեմոկրատական կուսակցությունը (11.5% - 92 տեղ), ծայրահեղ աջ «Այլընտրանք Գերմանիայի համար» (10.3% - 83 տեղ), Ձախ կուսակցությունը (4, 9%- 39 տեղ), բոլոր կուսակցությունները ստացել են ընդհանուր 8.7% ձայն:
Դիտորդները նկատել են, որ մինչև 30 տարեկան երիտասարդ ընտրողների մեծամասնությունը ձայն է տվել «կանաչներին», մոտ 22%: Փորձագետները նշում են այս ընտրություններում էկոակտիվիստների անհավանական հաջողության մասին: Կուսակցությանը հաջողվել է գրեթե կրկնակի բարելավել իր նախորդ արդյունքը՝ 67 մանդատի փոխարեն այս անգամ կստանա 118-ը: «Կանաչների» կուսակցության ներկայացուցիչները և եվրոպական կառույցներում բնապահպանական օրակարգի լոբբիստները Գերմանիայում քվեարկություններն արդեն անվանել են «կլիմայական ընտրություններ»:
