Կատալոնիայի անկախության համար պայքարի նախկին առաջնորդ Կառլես Պուչդեմոնին ազատ են արձակել և թույլ տվել լքել Սարդինիան, որտեղ նա ձերբակալվել էր Իտալիայի իշխանությունների կողմից, հայտնել է Euronews-ը:
Հոկտեմբերի 4-ին Պուչդեմոնը պետք է վերադառնա Սարդինիա և ներկայանա դատական նիստին, որը պետք է քննի վերջինիս Իսպանիային արտահանձնելու հարցը, ինչպես նաև նրա կարգավիճակը որպես եվրապատգամավորի:
Դատարանի որոշումից հետո Բարսելոնայի բնակիչները դուրս են եկել փողոց՝ տոնելու Պուչդեմոնի ազատ արձակումը:
Ավելի վաղ պաշտոնական Մադրիդը, անդրադառնալով Պուչդեմոնի ձերբակալությանը, կոչ է արել հարգել Իտալիայի դատարանի որոշումը, իսկ Կատալոնիայի իշխանությունները նրա ձերբակալությունը որակել են ապօրինի:
