Արագածոտնի մարզպետը պետական պարգևներ է հանձնել զոհված զինծառայողների ընտանիքներին
Արագածոտնի մարզպետ Դավիթ Գևորգյանը և Արագածոտնի մարզի զինվորական կոմիսար Անուշավան Ասատրյանը, համայնքների ղեկավարների ուղեկցությամբ, այցելել են 2020 թվականի սեպտեմբերի 27-ին հակառակորդի սանձազերծած լայնածավալ գործողությունների ընթացքում Արցախի Հանրապետության պետական սահմանը պաշտպանելիս անմահացած զինծառայողների ընտանիքներին՝ մարտական գործողությունների ընթացքում ցուցաբերած արիության և խիզախության համար հետմահու շնորհված պետակական պարգևները հանձնելու նպատակով:
Վաչագան Հրաչիկի Դարբինյանը /Արագածավան համայնք/ ՀՀ նախագահի հրամանագրով պարգևատրվել է «Մարտական ծառայություն» մեդալով:
Արցախի Հանրապետության նախագահի հրամանագրով «Մարտական ծառայություն» մեդալով են պարգևատրվել՝ Սարո Ռազմիկի Գրիգորյանը /Թալին համայնք/, Հարություն Անդրանիկի Ֆահրադյանը/Թալին համայնք/, Սեդրակ Հենրիկի Լևոնյանը /Ակունք համայնք/, Արթուր Աշոտի Սարգսյանը /Եղնիկ համայնք/, Վահան Վարդանի Մելքոնյանը /Կաքավաձոր համայնք/, Սերյոժա Վազգենի Երանոսյանը /Կոշ համայնք/, Արմեն Արայիկի Բեգանյանը /Ուջան համայնք/, Հենրիկ Արայիկի Գինոսյանը /Ագարակ համայնք/:
«Քաջարի մարտիկ» կրծքանշանով են պարգևատրվել Համլետ Կարենի Մեխակյանը /Կոշ համայնք/ և Գոռ Կարենի Կարապետյանը /Ագարակ համայնք/:
