Հունաստանը կպաշտպանի իր սահմանները Աֆղանստանից միգրանտների հոսքերից: Այս մասին հայտարարել է քաղաքացիների պաշտպանության հարցերով նախարար Միխալիս Խրիսոխոիդիսը հույն-թուրքական ցամաքային սահմանին տեղակայված ստորաբաժանում կատարած այցի ժամանակ:
«Մեր սահմանները կմնան անվտանգ և անձեռնմխելի: Մենք թույլ չենք տա չարտոնված և անկանոն գործողություններ, ինչպես նաև սահմանախախտման որևէ փորձ»,- ասել է Խրիսոխոիդիսը:
Հույն նախարարը նաև ազդարարել է Թուրքիայի հետ սահմանին 40 կմ երկարությամբ ցանկապատի շինարարության ավարտի մասին, որը խոչընդոտելու է միգրանտների մուտքը երկիր:
Հունաստանի իշխանությունները վստահեցնում են, որ թույլ չեն տա 2015 թվականի միգրացիոն ճգնաժամի կրկնությունը:
