Գիտության, կրթության, մշակույթի, սփյուռքի, երիտասարդության և սպորտի հարցերի հանձնաժողովի նախագահի պաշտոնում առաջադրվեց Սիսակ Գաբրիելյանի թեկնածությունը
ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի պաշտոնում «Քաղաքացիական պայմանագիր» խմբակցությունն առաջադրել է Սիսակ Գաբրիելյանի թեկնածությունը:
Պատգամավորն իր ելույթում նշեց, որ հանձնաժողովի նախագահ ընտրվելու դեպքում նախատեսում է ձևավորել խորհրդարանական մշակույթ, մասնավորապես հանդիպումներ կազմակերպել հանձնաժողովի ոլորտում գտնվող կառույցների ղեկավարների հետ, ինչպես նաև պարբերաբար հանդիպել ոլորտային նախարարների հետ և այլն:
Բանախոսը նշեց, որ նախատեսվում է նաև կազմակերպել արտագնա նիստեր՝ խնդիրներին տեղում ծանոթանալու նպատակով:
Սիսակ Գաբրիելյանն ընդգծեց, որ հանձնաժողովի անդամների հետ մտադիր է հաճախակի այցելել հայկական գաղթօջախներ:
