Երևանից դեպի Ստեփանակերտ անվճար ուղևորվող ավտոբուսներով 2021 թ. հունիս ամսին Արցախ է մեկնել 3782 արցախցի, որոնց ուղևորափոխադրման համար տրամադրվել է 86 ավտոբուս։ Այս մասին հայտնում է ՀՀ-ում Արցախի Հանրապետության կառավարության օպերատիվ շտաբը:
«Հիշեցնում ենք, որ դեպի Արցախ ուղևորվող երթուղայինները հունիսի 28-ից աշխատում են նոր ռեժիմով։
Անհրաժեշտ է նախապես հերթագրվել՝ զանգահարելով 010 56-53-70 հեռախոսահամարով:
Հունիսի վերջին օրերին՝ հունիսի 29-ին և 30-ին, գրանցվել է, համապատասխանաբար, 95 և 130 զանգ»,- հայտնում են օպերատիվ շտաբից:
