Հարվածը դեռ ծեծ չէ. Պատգամավոր Հակոբյանը լրագրողի դեմ բռնության համար չի պատժվի

Մեկ հարվածը դեռ ծեծ չէ: Հատուկ քննչական ծառայությունն «Արմենպրեսին» տված պատասխանում այսպես է հիմնավորել պատգամավոր Ռուբեն Հակոբյանի դեմ հարուցված գործը կարճելու որոշումը: 

Ծառայությունը պնդում է՝ լրագրող Վահե Մակարյանի դեմ բռնության գործով հանցակազմը բացակայում է: Հիմնավորման մեջ նշվում է, թե լրագրողի արժանապատվությունը չի նսեմացվել: Վերջինս համաձայն չէ որոշմանը և պատրաստվում է բողոքարկել այն: