Ոստիկանությունը կուսակցություններին կոչ է անում բացառել լրագրողների գործունեությունը խոչընդոտելուն ուղղված ցանկացած քայլ
Ոստիկանությունը ընտրություններին մասնակցող բոլոր կուսակցություններին և դաշինքներին կոչ է անում բացառել ԶԼՄ ներկայացուցիչների մասնագիտական գործունեությունը խոչընդոտելուն ուղղված ցանկացած քայլ։
«Զանգվածային լրատվության միջոցների ներկայացուցիչներին հորդորում ենք նման դեպքերում անհապաղ դիմել իրավապահ մարմիններին։
Ոստիկանությունը հետևողականորեն հետամուտ է լինելու և ունի բոլոր հնարավորությունները օրենքով վերապահված իր լիազորությունների շրջանակում կանխելու և բացահայտելու այդ կարգի բոլոր միջադեպերը»,- ասվում է ոստիկանության հայտարարության մեջ:
