Իրանի իշխանությունները կարողացան ստանալ մինչև 60% հարստացված ուրանի առաջին խմբաքանակը, հայտնում է ТАСС-ը: Երկրի փոխնախագահ, Իրանի ատոմային էներգիայի կազմակերպության ղեկավար Ալի Աքբար Սալեհին ասել է, որ Իրանի իշխանությունները ստացել են մինչև 60% հարստացված 9 գրամ ուրան և հավելել, որ «ի վիճակի են արտադրել հարստացման ցանկացած մակարդակի ուրան»:
Նա վստահեցրել է, որ դիվերսիայից հետո Նաթանզի միջուկային օբյեկտը շարունակում է գործել:
Իրանի նախագահ Հասան Ռոհանիի խոսքով ՝ այս քայլով Թեհրանը պատասխանում է իսրայելական սաբոտաժին՝ Նաթանզ քաղաքի միջուկային օբյեկտում: Նա նշել է, որ ուրանի հարստացումը խաղաղ նպատակներ է հետապնդում և իրականացվում է Ատոմային էներգիայի միջազգային գործակալության հսկողության ներքո:
