ԱՀ նախագահ Արայիկ Հարությունյանի մասնակցությամբ տեղի է ունեցել ԱՀ նախագահին առընթեր Պետական պարգևների և պատվավոր կոչումների շնորհման հարցերի քննարկման խորհրդակցական հանձնաժողովի նոր կազմով անդրանիկ նիստը՝ ԱՀ ԱԱԾ տնօրենի առաջին տեղակալ, Արցախի հերոս Արարատ Մելքումյանի նախագահությամբ:
Իր խոսքում նախագահն անդրադարձել է հատկապես 44-օրյա պատերազմի ընթացքում հայ մարտիկների ցուցաբերած անձնուրաց տոկունությունն ու հերոսությունը ըստ արժանվույն գնահատելու անհրաժեշտությանը՝ նշելով, որ հաշվի առնելով պատերազմի դժվարությունները՝ հանձնաժողովից առավել նրբանկատ և անաչառ աշխատանք է ակնկալվում:
Հանձնաժողովում ընդգրկված են ԱՀ նախագահի աշխատակազմի, պաշտպանության բանակի, ԱՀ ԿԳՄՍ և առողջապահության նախարարությունների, հասարակական մի շարք կազմակերպությունների ներկայացուցիչներ:
