58 տարվա ընթացքում Հանրայինը հայտնի հյուրերի պակաս չի ունեցել: Ճանաչված գրողներ, դերասաններ, երաժիշտներ ու արվեստի տարբեր ոլորտների ներկայացուցիչներ այցելել ու այցելում են մեզ: Արխիվներից ու հին աշխատակիցների ընտանեկան ալբոմներից գտել ենք այդ պահերը հավերժացրած լուսանկարները, որոնցից ամենահիշարժանները հանձնում ենք ձեր դատին:
Ամենայն Հայոց Կաթողիկոս Վազգեն Առաջինի հարցազրույցը Ռոբերտ Մավիսակալյանի «15 օր» իրիկնային ծրագրին:
Վիլյամ Սարոյանի պատմական այցը Հանրային հեռուստաընկերություն տևեց ընդամենը մեկ օր, բայց արդյունքում արվեցին երկու տասնյակից ավելի լուսանկարներ: Մենք առանձնացրեցինք դրանցից մի քանիսը:
1968-ի հոկտեմբերին առաջին անգամ նշեցին «Էրեբունի-Երևան» տոնը: Տոնակատարություններին միացավ նաև մեծանուն հայ կոմպոզիտոր Արամ Խաչատրյանը:
Երաժշտական հաղորդումների խմբագիր Քնարիկ Փիլոսյանը բանաստեղծ, հասարակական գործիչ Ռազմիկ Դավոյանի հետ:
Քնարիկ Փիլոսյանը ՀՀ ժողովրդական արտիստ Գոհար Գասպարյանի հետ:
Հռչակավոր սովետական երգահան, Ռուսաստանի ժողովրդական արտիստ Միքայել Թարիվերդիևն իր մասին ֆիլմի նկարահանումների ընթացքում:
Կոմիտասի անվան լարայի քառյակը հայտնի ջութակահար Յուրի Յանկելևիչի հետ:
Աշխարհահռչակ դուդուկահար Ջիվան Գասպարյանը Գյումրիում անցկացած դուդուկի փառատոնի ժամանակ:
ժողովրդական արտիստ Էդգար Էլբակյանը, Խորեն Աբրահամյանը և ուսումնական հաղորդումների խմբագրության գլխավոր ռեժիսոր Արթուր Մինասյանը «Չաո» հեռուստաներկայացման նկարահանումներին:
