Հայաստանի մարմնամարզության տղամարդկանց ընտրանին Թբիլիսիում ուսումնամարզական հավաք կանցկացնի
Մարտի 17-31- ը Հայաստանի մարմնամարզության տղամարդկանց ընտրանին՝ Հակոբ Սերոբյանի գլխավորությամբ, Թբիլիսիում ուսումնամարզական հավաք կանցկացնի:
Թիմի կազմում ընդգրկված կլինեն Արթուր Դավթյանը, Վահագն Դավթյանը, Արթուր Ավետիսյանը, Գագիկ Խաչիկյանը, Արմեն Պետրոսյանը և Արթուր Թովմասյանը՝ հայտնում է մարմնամարզության ֆեդերացիան:
Թիմը կպատրաստվի ապրիլի 18-26-ը Բազելում կայանալիք Եվրոպայի առաջնությանը: Սերոբյանի մարզչական թիմում են Հայկ Նազարյանն ու Աշոտ Գասպարյանը:
