ՀՀ նախագահ Արմեն Սարգսյանն իր գործունեությունը ժամանակավորապես շարունակելու է հեռավար։ Այս մասին 1lurer.am-ին հայտնեցին նախագահի աշխատակազմից։
«Հանրապետության նախագահ Արմեն Սարգսյանն արձակուրդի շրջանակում Նոր տարին դիմավորել է Լոնդոնում՝ ընտանիքի ու թոռնիկների հետ։ Հունվարի 3-ին նախագահ Սարգսյանը Լոնդոնում ենթարկվել է ոտքի վիրահատության, որը բարեհաջող է անցել։ Սակայն, նախագահի մոտ ի հայտ են եկել նաև նոր տեսակի կորոնավիրուսի ախտանշաններ․ նրա հանձնած թեստը դրական արդյունք է տվել»,- ասաց ՀՀ նախագահի օգնական Հասմիկ Պետրոսյանը՝ նշելով, որ նախագահ Սարգսյանը մեկուսացել է և իր գործունեությունը ժամանակավորապես շարունակելու է հեռավար։
