ԱՀ նախագահի աշխատակազմի ղեկավար Արտակ Բեգլարյանը գրառում է արել Ֆեյսբուքի իր էջում՝ հայտնելով, որ անհետ կորածների հարազատների հետ Վերածննդի հրապարակից մեկնարկած երթով փակվել է չարաբաստիկ 2020 թվականը:
«Մուտք գործեցինք 2021 թվական Ստեփանակերտի Մայր տաճարում Պարգև Սրբազանի ձեռամբ մատուցված պատարագով՝ նվիրված զոհվածների հիշատակին:
Եթե իմանայի, որ մաղթանքներս կկատարվեն, չեք պատկերացնում, թե ինչեր կմաղթեի բոլորիդ: Պարզապես իմացեք, որ որքան թույլ է տալիս սրտիս ու հոգուս տարողունակությունն ու ամրությունը, այդչափ կիսում եմ բոլորիդ կսկիծն ու բերկրանքը, սակայն դրանից առավել լցված եմ հավատով, հույսով ու վճռականությամբ, որ ապագան ավելի լավը պետք է դարձնենք մեր ամուր ձեռքերով, մեր կոտրված սրտերով, մեր միասնական ջանքով ու քրտինքով:
.jpg)
Գրկում եմ բոլորիդ և հավաստիացնում, որ որպես կարեկից մարդ ու վճռական հայրենակից՝ ես պատկանում եմ բոլորիդ:
Խաղաղություն, ամրություն ու միայն բերկրանքի արցունքներ ձեզ այս տարում»,- գրել է Բեգլարյանը:
