ԱՄՆ Կոնգրեսում քննարկել են Ադրբեջանում կործանվող ազատ խոսքն ու ժողովրդավարությունը

Ամերիկյան Կոնգրեսի Թոմ Լանտոսի անվան մարդու իրավունքների հանձնաժողովում հինգշաբթի քննարկվել է Ադրբեջանում վերջնականապես կործանվող ազատ խոսքի ու ժողովրդավարության թեման։

Ընդդիմադիր կուսակցապետին և հետաքննող լրագրողին հնարավորություն չեն տվել Բաքվից ժամանել Վաշինգտոն` մասնակցելու այս հավաքին։ Արդյունքում լրագրող Հադիջա Իսմայիլովան խոսել է սկայպով, իսկ կուսակցության ղեկավար Ալի Քերիմլիի փոխարեն ներկայացել էր նրա որդին։