Մեկնարկել է «Բազե» երիտասարդական համահայկական հավաքը

Այսօրվանից մեկնարկել է «Բազե-2016» համահայկական երիտասարդական հավաքը։ Ամեն տարվա նման Ծաղկաձորում շուրջ 500 երիտասարդ Հայաստանից, Արցախից, Ջավախքից և սփյուռքից 7 օր շարունակ ուժերը կչափեն սպորտային, մշակութային և ինտելեկտուալ խաղերում։

Բազեի հիմնական նպատակն է՝ բացահայտել տաղանդաշատ երիտասարդների, նրանց տալ ինքնադրսևորման հնարավորություն, մասնակիցների շրջանում սերմանել թիմային աշխատանքի և արդար մրցակցության ոգի։