Շիրակի Արեգնադեմ համայնքը թաղիքագործության նոր կենտրոն ունի

Արհեստագործական համքարությունները, որոնք ձևավորվել են պատմական Ալեքսանդրապոլում դեռ 18-րդ դարից, այսօր նոր թափով են զարգանում:

Հայկական հնագույն արհեստների պահպանումն ու տարածումն այսօր էլ հուզում է գյումրեցիներին: Արվեստի ու արհեստի յուրօրինակ ու ներդաշնակ միաձուլում է նաև թաղիքագործությունը: 

Հայաստանի հյուսիսում, ծովի մակարդակից մոտ 2000 մետր բարձության վրա գտնվող Արեգնադեմ համայնքում նոր շունչ են տալիս հին արհեստներին: Արեգնադեմն այսուհետև ունի թաղիքագործության կենտրոն: