Հուլիսի 29-ի լույս 30-ի գիշերը Սարի թաղում տեղի ունեցած դեպքերի ընթացքում լրագրողների մասնագիտական օրինական գործունեությանը խոչընդոտելու և խմբով խուլիգանություն կատարելու մեջ մեղադրվող Վլադիմիր Մ.-ի և Սեյրան Կ.-ի նկատմամբ, դատարանի որոշմամբ, որպես խափանման միջոց ընտրվել է կալանավորումը, տեղեկացնում է ՀՔԾ լրատվական ծառայությունը:
Գործը քննվում է քրեական օրենսգրքի մի շարք հոդվածների հատկանիշներով՝ պաշտոնեական դիրքը չարաշահելը, բռնությամբ զուգորդված պաշտոնեական լիազորություններն անցնելը և լրագրողների մասնագիտական օրինական գործունեությանը խոչընդոտելը:
