Երկնային զրույցներ երկրային զրույցների մասին

Վերջին րոպեները թռիչքից առաջ: Հռոմի Լեոնարդո Դա Վինչիի անվան օդակայանն է: Նախ օդանավ են բարձրանում լրագրողներն ու ուղեկցող անձնակազմը, վերջում՝ Նորին Սրբությունը: Պետության ղեկավարի ստանդարտ արարողակարգ: Մեկ առանձահատկությամբ. մինչև Ֆրանցիսկոս Պապի ժամանումը օդանավի ոչ մեծ սրահը արագորեն վերածվում է ասուլիսի վայրի: Նրան ուղեկցող լրագրողական խմբի հնաբնակներն ասում են, որ Պապը սովորություն ունի թռիչքի ժամանակ շփվել իրենց հետ: