Սեպտեմբերի 11-ին մեկնարկում է «Ֆիշեր» շախմատի միջազգային առցանց մրցաշարը։ Մասնակից տասը շախմատիստների թվում է Լևոն Արոնյանը։
Հայտավորված են նաև հանրաճանաչ գրոսմայստերներ Գարի Կասպարովը, Մագնուս Կառլսենը, Հիկարու Նակամուրան, Մաքսիմ Վաշիե-Լագրավը, Ֆաբիանո Կարունան, Ուեսլի Սոն, Լենիեր Դոմինգեսը, Պետեր Սվիդլերը, Ալիռեզա Ֆիրուջան։
Մրցաշարը կավարտվի սեպտեմբերի 13-ին, իսկ մրցանակային հիմնադրամը 150 հազար ԱՄՆ դոլար է:
Հավելենք, որ հայրենական շախմատի առաջատար Լևոն Արոնյանը «Ֆիշեր» մրցաշարի 2006-2007 թթ․ կրկնակի հաղթող է։
