Շիրակի մարզում հիմնանորոգվող միջպետական նշանակության ավտոճանապարհը ժամանակավորապես փակ է

Հիմնանորոգման աշխատանքների պատճառով Մ1, Երևան-Գյումրի-հայ-վրացական սահման միջպետական նշանակության ավտոճանապարհի կմ134+500-կմ141+500 և կմ143+300-կմ148+300 հատվածները՝ Գյումրիից դեպի Աշոցք, փակ են։ 

Վարորդներին խորհուրդ է տրվում նշված հատվածները շրջանցել Մ1-Հ32-Ամասիա-Մարմաշեն-Գյումրի հանրապետական նշանակության ավտոճանապարհով՝ տեղեկացնում է տարածքային կառավարման և ենթակառուցվածքների նախարարությունը։