Արարատի մարզպետ Գարիկ Սարգսյանը ֆեյսբուքյան գրառմամբ շնորհավորել է մայիսյան եռատոնի կապակցությամբ, մաղթել է առողջություն և բարձր տրամադրություն։
«Սիրելի հայրենակիցներ, շնորհավոր Եռատոն
Այսօր հայ ժողովուրդը տոնում է Հայրենական մեծ պատերազմում տարած հաղթանակի 75-ամյակը, Շուշիի ազատագրման և Արցախի պաշտպանության բանակի ստեղծման տարեդարձը:
Հայրենական մեծ պատերազմում իրենց խիզախությամբ ու հերոսությամբ աչքի ընկած հայազգի մարշալների ու հազարավոր այլ հայորդիների սխրանքները երբեք չեն մոռացվի: Նույն ոգով ու քաջությամբ տարիներ անց հայորդիների նոր սերունդը մասնակցեց Արցախյան ազատամարտին, որը պսակվեց փառապանծ հաղթանակով:
Թեև արտակարգ դրության պայմաններում Եռատոնը չենք կարող նշել զանգվածային միջոցառումներ կազմակերպելով, սակայն յուրաքանչյուրս մեր ընտանիքներում անպայման կնշենք Եռատոնը:
Բոլորիդ բարձր տոնական տրամադրություն և առողջություն եմ մաղթում»,- նշված է Գարիկ Սարգսյանի գրառման մեջ:
