Կառավարության անդամները Գիտելիքի օրվա կապակցությամբ այցելել են հանրակրթական դպրոցներ եւ այլ կրթական հաստատություններ: Չայկովսկու անվան երաժշտական դպրոցում հյուրընկալել էին պաշտպանության նախարար Սեյրան Օհանյանին:
Բոլորին շնորհավորելով սեպտեմբերի 1-ի կապակցությամբ՝ նախարարը արիության դաս է անցկացրել բարձր դասարանցիների համար:
20 տարի առաջ իր սովորած համար 45 հիմնական դպրոցն էր այցելել կրթության եւ գիտության նախարար Արմեն Աշոտյանը: Նա շնորհավորել է աշակերտներին նոր ուսումնական տարվա կապակցությամբ, շրջել դպրոցում ու վերհիշել դպրոցական տարիները:
Ավանդույթի համաձայն ԵՊՀ-ում առաջին դասախոսությունը կարդացել է արտգործնախարար Էդվարդ Նալբանդյանը: Ելույթում եւ հարցերին պատասխանելիս Նալբանդյանը մասնավորապես անդրադարձել է Հայոց Ցեղասպանության 100-րդ տարելիցին: Նախարարը նշել է, որ այն կարելի է նոր սկիզբ համարել Հայոց ցեղասպանության ճանաչման եւ դատապարտման գործում:
Մանրամասները՝ տեսանյութում
