«Կանաչապատում և շրջակա միջավայրի պահպանություն» ՀՈԱԿ-ի Էրեբունի ստորաբաժանման դենդրոլոգի ահազանգով ՀՈԱԿ-ի գլխավոր դենդրոլոգ Արծվի Գրիգորյանը և փորձագետ Արմենակ Տեր-Գրիգորյանը շրջայց են կատարել Էրեբունի վարչական շրջանում:
Մասնագետների դիտարկմամբ բացահայտվել է որոշ ծառատեսակների չորացման գործընթաց: Վտանգված են արևմտյան թույան և արևելյան կենսածառը: Կատարվել է նմուշառում: ՀՈԱԿ-ի բույսերի պաշտպանության փորձագետը արձանագրել է վնասատուի՝ ալրավոր որդանի առկայություն, ինչը կարող է չորացման պատճառ հանդիսանալ: Որոշ նմուշների վրա նկատվել են նաև նավթայուղանման հեղուկի հետքեր, որոնք ևս կարող են հանգեցնել ծառերի չորացման: Մասնագետների որոշմամբ՝ ծառերը փրկելու ուղղությամբ կիրականացվի քիմիական կանխարգելում:
