Լրագրողների հետ է հանդիպել «Ոսկե ծիրան» կինոփառատոնի պատվավոր հյուրերից դերասանուհի Նաստասյա Կինսկին:
Հայաստանյան իր առաջին այցը եվրոպական ու ամերիկյան կինոյի մեծ աստղը՝ «Ոսկե գլոբուսի» մրցանակակիր եւ «Սեզարի» հավակնորդ Նաստասյա Կինսկին առանձնահատուկ է համարում: Լրագրողների հետ զրույցում նա հայտնել է, որ զգացված է ջերմ ընդունելության ու «Ոսկե ծիրանի» պատվո մրցանակի համար:
Հայ լրագրողների հետ հանդիպումը կինոաստղը սկսել է Հարություն Խաչատրյանի կինոյին տրված բարձր գնահատականից:
Այս տարի Նաստասյա Կինսկին Վենետիկի կինոփառատոնի գովազդային վահանակի դեմքն է: Դերասանուհին փաստում է, որ հաճելիորեն զարմացած ու տպավորված է երեւանյան կինոփառատոնի ջերմ մթնոլորտով ու մրցանակով:
Մանրամասները` տեսանյութում
