Վարդագույն մայրաքաղաքը հայտնվել է աշխարհի ուշադրության կենտրոնում: Հեղինակավոր պարբերականները զբոսաշրջության համար լավագույն վայրերի հիթ-շքերթներ կազմելիս չեն մոռանում ներառել նաեւ 2797-ամյա Երեւանը:
Քանի դեռ Երեւանի քաղաքապետարանը զբաղված էր քաղաքը զարդարելով` Հայաստան այցելեց ռեալիթի շոուների աշխարհահռչակ աստղ Քիմ Քարդաշյանն իր ռեփեր ամուսնու հետ ու աշխարհի ուշադրությունը շեղեց դեպի Երեւանը: Քանյե Ուեսթի եւ «Սիսթեմ օֆ ը դաուն» ռոք խմբի բացօթյա համերգներն էլ դարձան կուլմինացիոն իրադարձություններ:
Բազմաթիվ օտարերկրացիներ ավելի մոտիկից ծանոթանալով Երեւանի եւ Հայաստանի գեղատեսիլ վայրերին` որոշել են հենց մեր երկրում կազմակերպել իրենց ամառային հանգիստը: Մաքուր օդ, համեղ կերակուր եւ գրեթե ամեն օր բացօթյա փառատոներ: Երեւանի քաղաքապետարանը խոստացել է երեւանյան ամառը դարձնել ավելի գունավոր: Արդեն պատրաստ են նաեւ զբոսաշրջային քարտեզները, որոնք անվճար բաժանվելու են օդանավակայանում եւ հյուրանոցներում ու ուղորդելու են զբոսաշրջիկներին:
Մանրամասները՝ տեսանյութում
