1930-ական թվականներից ի վեր հայկական ռադիոյի պահոցի անվանի հեղինակների և կատարողների շուրջ 15 հազար ստեղծագործություններ թվայնացվել և հավաքվել են www.armradioarchive.am կայքում:
Ըստ Երևանի քաղաքապետի մամուլի քարտուղար Հակոբ Կարապետյանի՝ դա Հայկական ռադիոյի արխիվի տնօրեն, Երևանի ավագանու անդամ Արթուր Իսպիրյանի և նրա թիմի նախաձեռնությունն է:
Գործընթացը շարունակվում է՝ նախատեսվում է թվայնացնել ևս 25 հազար աշխատանք:
«Իրականում 20-րդ դարի մեր երաժշտական արվեստի գլուխգործոցները հավաքված են մեկ թղթապանակում և հասանելի են երաժշտասերներին անվճար: Իսկապես հսկայական աշխատանք է կատարվել»,- գրել է Կարապետյանը Ֆեյսբուքի իր էջում:
Ըստ գրառման՝ թվայնացված ստեղծագործությունների թվում են՝ Կոմիտաս, Արամ Խաչատրյան, Ռոմանոս Մելիքյան, Ալեքսանդր Սպենդիարյան, Առնո Բաբաջանյան, Ալեքսանդր Աճեմյան, Էդվարդ Միրզոյան, Խաչատուր Ավետիսյան, Հովհաննես Չեքիջյան, Արմեն Տիգրանյան, Աշուղ Ջիվանի, Աշուղ Աշոտ և մի քանի տասնյակ այլ երաժիշտներ:
