ՖԻՖԱ-ն դատական հայց է ներկայացրել կազմակերպության նախկին նախագահ Ժոզեֆ Բլատերի և ՈՒԵՖԱ-ի նախկին նախագահ Միշել Պլատինիի դեմ:
ՖԻՖԱ-ն նրանցից պահանջում է վերադարձնել 2 մլն շվեյցարական ֆրանկ:
2015 թ. վերջին Պլատինին, որն այդ ժամանակ նաև ՖԻՖԱ-ի փոխնախագահն էր, և Բլատերը էթիկայի հանձնաժողովի որոշմամբ հեռացվել էին ֆուտբոլային գործունեությունից: Պատճառն այն էր, որ ՖԻՖԱ-ի միջոցներից Բլատերը Պլատինիի հաշվին 2 մլն շվեյցարական ֆրանկ էր փոխանցել:
ՖԻՖԱ-ի մամուլի ծառայությունից հայտնել են, որ դատարանում հաղթանակի դեպքում այդ գումարը կուղղվի ֆուտբոլի զարգացմանը:
