Հակադոպինգային միջազգային կազմակերպությունը` WADA-ն, 4 տարով զրկել է Ռուսաստանին միջազգային մրցաշարերի, Օլիմպիական խաղերի մասնակցելու իրավունքից: Այս մասին գրում է WADA-ի մամուլի ծառայությունը:
Շվեյցարական Լոզանում ընթացող կոմիտեի նիստի ժամանակ Ռուսաստանին զրկելու որոշումն ընդունվել է միաձայն: Ռուս մարզիկներն իրավունք չեն ունենա հանդես գալու Ռուսաստանի դրոշի ներքո, նաև զրկված կլինեն աշխարհի առաջնություններ հյուրընկալելու իրավունքից: Որոշման հիմք են հանդիսացել Մոսկվայի հակադոպինգային լաբորատորիայում հայտնաբերված խարդախությունները, որոնցով փորձ է արվել կոծկել ռուսաստանցի մարզիկների՝ 2012-2015 թթ. դոպինգ թեստերի դրական արդյունքները:
