Հայաստանն ու Հյուսիսային Մակեդոնիան քննարկել են քաղաքական երկխոսության ակտիվացման հարցը

Հայաստանն ու Հյուսիսային Մակեդոնիան քննարկել են քաղաքական երկխոսության ակտիվացման հարցը

Նոյեմբերի 20-ին Նեապոլում անցկացվող «Միջերկրածովյան երկխոսություններ» միջազգային համաժողովի շրջանակներում Հայաստանի արտաքին գործերի և միջազգային առևտրի նախարարի տեղակալ Վահան Կոստանյանը հանդիպում է ունեցել Հյուսիսային Մակեդոնիայի արտաքին գործերի և առևտրի նախարարի տեղակալ Զորան Դիմիտրովսկիի հետ:

Ի շարունակություն այս տարվա մայիսին «Երևանյան երկխոսության» շրջանակներում տեղի ունեցած քննարկումների՝ զրուցակիցները կարևորել են քաղաքական երկխոսության ակտիվացումը, այդ թվում՝ արտաքին գերատեսչությունների միջև քաղաքական խորհրդակցությունների անցկացման միջոցով։

Նախարարի տեղակալները մտքեր են փոխանակել նաև Եվրոպական միության հետ Հայաստանի և Հյուսիսային Մակեդոնիայի գործընկերությունների շուրջ։

Քննարկվել է Հարավային Կովկասում և Արևմտյան Բալկաններում առկա իրավիճակը։ Կարևորվել է նաև բազմակողմ ձևաչափերում համագործակցության հետագա ամրապնդումը։

Դիտումներ

logo

Official broadcaster of the Eurovision Song Contest

Eurovision

Ներբեռնեք հավելվածը

qr
App StoreGoogle Play
FacebookXInstagramYouTubeLinkedIn

©2026 1tv.am

Նախագծվել է՝ MATEMAT-ում