Ուկրաինայի նախագահ Վոլոդիմիր Զելենսկին նշել է Խերսոնի և Զապորոժիեի շրջաններում 15 բնակավայր, որոնց համար Ուկրաինան առաջարկում է հումանիտար առաքելություններ կազմակերպել Օլեշկիից տարհանման օրինակով։
«Մենք ևս մեկ անգամ շնորհակալ ենք ԱՄՆ առաջին տիկնոջը՝ Օլեշկիի մեր մարդկանց՝ Ուկրաինայի քաղաքացիների ապաշրջափակման և տարհանման համար։ Մենք քննարկում ենք ունեցել Ուկրաինայի զինված ուժերի գլխավոր հրամանատար Միխայիլ Դրապատիի հետ և այսօր ևս մեկ անգամ հաստատել ցուցակը։ Մենք նրա հետ մանրամասն խոսել ենք մարդասիրական առաքելությունների, այն մարդկանց թվի մասին, որոնց մենք կարող ենք տարհանել, և այն մասին, թե ինչ զարգացումներ ունենք»,– տեղեկացրել է նա։
Նախագահի խոսքով՝ ցուցակը կթարմացվի, քանի որ ճշտվում են գրավյալ տարածքների բնակավայրերում մարդկանց թիվը և նրանց վիճակը։










