Լեհաստանը հայտնել է երկրի օդային տարածքի խախտման մասին

Լեհաստանը հայտնել է երկրի օդային տարածքի խախտման մասին

Լեհաստանում՝ Ուկրաինայի հետ սահմանից մոտ 60 կմ հեռու գտնվող Նովի Լիպովեց բնակավայրում, անհայտ օբյեկտ է ընկել։ Երկրի արևելքում անկման վայրն այժմ շրջափակված է՝ հայտնել է Լեհաստանի դատախազության ներկայացուցիչը:

Վարչապետ Դոնալդ Տուսկը հայտարարել է, որ հրավիրել է խորհրդակցություն նախարարների, Լեհաստանի զինված ուժերի ներկայացուցիչների և հատուկ ծառայությունների ղեկավարների մասնակցությամբ՝ կապված երկրի օդային տարածքի խախտման հետ։ Նա նշել է, որ ներկայումս օդից սպառնալիք այլևս չկա։

Նոյեմբերի 20-ի առավոտյան Լեհաստանի անվտանգության կառավարական կենտրոնն օդային հարձակման սպառնալիքի մասին նախազգուշացումներ է ուղարկել Ուկրաինային սահմանակից երկու շրջանի բնակիչներին:

Հուլիսի վերջին Լեհաստանի օդային տարածք հրթիռ էր ներթափանցել և ընկել Տառնավա-Կոլոնիա բնակավայրի մոտակայքում։ Լեհաստանի կառավարության տվյալներով՝ դա ռուսական X-101 թևավոր հրթիռ էր։

Դիտումներ

logo

Official broadcaster of the Eurovision Song Contest

Eurovision

Ներբեռնեք հավելվածը

qr
App StoreGoogle Play
FacebookXInstagramYouTubeLinkedIn

©2026 1tv.am

Նախագծվել է՝ MATEMAT-ում