Ֆլորիդայի շրջանային դատարանը կրկին մերժել է ԱՄՆ նախագահ Դոնալդ Թրամփի՝ 10 միլիարդ դոլարի հայցն ընդդեմ The Wall Street Journal-ի (WSJ), որին Սպիտակ տունը մեղադրում էր կանխամտածված զրպարտության համար։ Այս մասին հայտնել է պարբերականը։
WSJ-ի և դրա սեփականատեր Ռուպերտ Մերդոկի դեմ հայցը ներկայացվել է 2025 թվականի հուլիսին։ Այն վերաբերում է թերթում հրապարակված հոդվածին, որն անդրադարձել է անչափահասների սեռական շահագործման և մարդկանց առևտրի համար դատապարտված ամերիկացի ֆինանսիստ Ջեֆրի Էփշտեյնին ուղղված Թրամփի շնորհավորական նամակին։ ԱՄՆ նախագահը բազմիցս հերքել է, որ ինքն է նամակի հեղինակը։
2026 թվականին Ֆլորիդայի դատարանն արդեն մերժել էր Թրամփի հայցն ընդդեմ WSJ-ի։ Սակայն Սպիտակ տան ղեկավարի իրավաբանները փոփոխություններ էին մտցրել դրանում և կրկնակի հայց ներկայացրել։ Նոր որոշումը նաև նշանակում է, որ Թրամփը չի կարող այն նորից փոխել և վերստին դատական հայց ներկայացնել առաջին ատյանի դաշնային դատարան: Սակայն Միացյալ Նահանգների նախագահը պահպանում է դատարանի որոշումը բողոքարկելու իրավունքը։
