Ուկրաինայում կարգավորումն անհնար է առանց գործընթացին Կիևի ներկայացուցիչների մասնակցության` հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Գիտեք, որ կարգավորման վերաբերյալ ամերիկյան կողմը շարունակում է միջնորդական և խաղաղապահ ջանքերը, և մենք դրանք բարձր ենք գնահատում։ Բայց, իհարկե, վերջնական կարգավորումն առանց Կիևից որևէ մեկի մասնակցության, որ պատրաստ է պատասխանատվություն ստանձնել, անհնար է»,- ասել է Պեսկովը։
Այս կերպ նա պատասխանել է հարցին, թե արդյոք ռուսական կողմը տեսնում է Ուկրաինայում խաղաղ կարգավորման հասնելու հնարավորություն՝ առանց բանակցություններին Կիևի ներկայացուցիչների մասնակցության։
