Վոլոդիմիր Զելենսկին հայտարարել է, որ Starlink արբանյակային ինտերնետի տերմինալները շարունակում են գործել սահմանափակումներով, բայց միայն Ուկրաինայում, ԵՄ տարածքում խնդիրներ չկան:
Ուկրաինայի նախագահի խոսքով՝ դա խանգարում է ուկրաինական զինուժի գործունեությանը։
Ավելի վաղ Դոնալդ Թրամփը և Իլոն Մասկը հերքել էին, որ հրահանգել են դանդաղեցնել Starlink-ի աշխատանքը Ուկրաինայի տարածքում:
Զելենսկին տեղեկացրել է, որ Վաշինգտոնը փորձում է կազմակերպել իր, Պուտինի և Թրամփի հանդիպումը Արաբական Միացյալ Էմիրություններում, Սաուդյան Արաբիայում կամ Միացյալ Նահանգներում։ Նրա խոսքով՝ եվրոպացիներն էլ աշխատում են նման հանդիպումը եվրոպական երկրներից մեկում անցկացնելու ուղղությամբ:
«Կիևը կապի մեջ է ամերիկյան կողմի հետ։ Մեր բանակցային խումբը զրուցել է Ջարեդ Քուշների հետ. այժմ նրանք հանդիպում են կազմակերպում»,- հավելել է Զելենսկին։
