Իրանը ողջունում է դիվանագիտական բոլոր գործընթացները և միաժամանակ պատրաստ է ինքնապաշտպանության՝ հայտարարել է Իրանի Իսլամական Հանրապետության արտաքին գործերի նախարարի իրավական և միջազգային հարցերով տեղակալ Քազեմ Ղարիբաբադին:
«Թեհրանն ավարտում է Նյու Յորքում Իրանի առաջարկած ծրագրի վերաբերյալ ամերիկյան կողմի դիտարկումներին և տեսակետներին իր պատասխանի նախապատրաստումը»,- նշել է նա:
Դիվանագետը հայտնել է, որ Իրանն իր վերջնական դիրքորոշումը կհայտարարի միջնորդների միջոցով՝ խորհրդակցություններից հետո:
«Իրանը միշտ ողջունել է դիվանագիտությունը և դրանում, ինչպես և ցանկացած կողմի հետ երկխոսության հարցում, անփութություն չի ցուցաբերել»,- հայտարարել է պաշտոնյան:
Նրա խոսքով՝ որքան Իրանը պատրաստ է բանակցությունների, այնքան էլ՝ ինքնապաշտպանության և պատերազմի:
