Հոկտեմբերի 5-ին՝ ժամը 20։52-ին, Սյունիքի մարզային օպերատիվ կառավարման կենտրոն ահազանգ է ստացվել, որ Մեղրի քաղաքի Օհանջանյան փողոցի տներից մեկում հրդեհ է բռնկվել․ առկա է հրդեհի տարածման վտանգ։ Այս մասին հայտնում է ՆԳՆ փրկարար ծառայությունը։
Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ և Ագարակի հրշեջ-փրկարարական խմբից մեկ մարտական հաշվարկ։
Հրդեհը մեկուսացվել է ժամը 22։40-ին, մարվել՝ հոկտեմբերի 6-ին ժամը 00։38-ին։ Այրվել են երկհարկանի տան տանիքը և երկրորդ հարկը (ընդհանուր մոտ 200 քմ)։
Կանխվել է հրդեհի տարածումը դեպի հարևան տներ և այրվող տան առաջին հարկ։
