Ռուսաստանի նախագահ Վլադիմիր Պուտինը Չեչնիայի ղեկավար Ռամզան Կադիրովին բանակի գեներալի կոչում է շնորհել: Ռոսգվարդիայի տնօրեն Վիկտոր Զոլոտովը Գրոզնիում կայացած արարողության ժամանակ Չեչնիայի ղեկավարին է հանձնել գեներալի ուսադիրները:
Կադիրովը իր նախորդ՝ գեներալ-գնդապետ զինվորական կոչումը ստացել էր 2022 թվականի նոյեմբերին։ 2019 թվականին Ռամզան Կադիրովին շնորհվել է Ռուսաստանի հերոսի կոչում։
Կադիրովն, իր հերթին, Զոլոտովին շնորհել է Չեչնիայի հերոսի կոչում՝ «Չեչնիայի Հանրապետությանը և նրա ժողովրդին մատուցած անձնական ծառայությունների, հայրենիքի շահերի պաշտպանության գործում նշանակալի ավանդի համար»։
