ԱՄՆ զինված ուժերի կենտրոնական հրամանատարությունը հերքել է Բահրեյնում ամերիկյան ռադարին հարվածելու մասին իրանական կողմի հայտարարությունը: Նշվում է, որ Իրանը Բահրեյնի ուղղությամբ երկու հարվածային ԱԹՍ է ուղարկել, սակայն երկուսն էլ որսացել և ոչնչացրել են ամերիկացի զինվորականները: Կենտրոնական հրամանատարությունից ընդգծել են, որ միջադեպի հետևանքով ոչ ոք չի տուժել, նյութական վնաս չի հասցվել:
Ավելի վաղ Իսլամական հեղափոխության պահապանների կորպուսը հայտարարել էր Բահրեյնում ամերիկյան վաղ նախազգուշացման ռադարին հարվածելու մասին, հավելել՝ հարձակումը եղել է ի պատասխան Իրանի հարավում գտնվող Սիրիկի շրջանում հեռահաղորդակցության աշտարակի ուղղությամբ ավիահարվածին:
